بەکارهێنەر Sardar

ڕۆژی یەکشەممەیە و ١٨ی ڕەمەزانە و کاتژمێر ٧:٢١ خولەکە و سەرقالی شیکردنەوەی زانیارییەکانی تاقیکردنەوەی پەیوەست بە ماستەرنامەکەم. بەڵام بەخوا لە تاو ئازاری پشتم بەهۆی زۆر دانیشتن بە دیاری کۆمپیوتەرەوە دەناڵێنم. داواکارم لە خوای گەورە هاوکارم بێت تا ئەم ئەرکەشم تەواو بکەم. ئامین.

ڕۆژی چوارشەممە بەرامبەر بە ٣٠/٥/٢٠١٨ تاقیکردنەوەیەکم هەیە و ئیتر وا سەرقاڵی خوێندنم بۆی و لە هەمان کاتیش بیرم لای ماستەر نامەکەمە.

وا نزیک دەبمەوە لە کۆتایی خوێندنی ماستەرەکەم و لەلایەک دڵخۆشم لەوەی سوپاس بۆ خوا وا تەواودەبم و گەیشتمە کۆتایی و لەلایەکی تریش ئەوەندە سەرقاڵم بە نوسینی ماستەرنامەکەم و تاقیکردنەوە و ئیتر نوسینی پەڕاوی تری وانەکانی ماستەر. خوا بەخێری بگێرێت و بەخێر و خۆشی تەواوی بکەین.

ئەمڕۆ هیلاکم و مێشکم جەنجاڵە و بە دەیان شت دێتە مێشکم و بە زۆر و بەناچاری دەریان دەکەمە دەرەوە چونکە زۆریان کاتیان ئەو کاتە نییە بیریان لێ بکەمەوە و هەندێکیشیان لە هیچ هیچترن. دونیا سەیرە و هیچ سەرباری هیچی هەر ویستراوە و شتی ویستراویش سەرباری ئاستبەرزی و ڕێکوپێکیش هەر بێزراوە و نەویستراوە. پێم وایە دەبێت بەدەم ئەم هەموو خەمەوە سەربنێمەوە.

ئەم هەفتەیە یەکێک بوو لە سەرقاڵترین هەفتەکانی ژیانم و لەگەڵ ئەوەشدا زۆر نەساخم! خوا باشمان بێنێتە ڕێ و بمان پارێزێت!

من هەمیشە پێم وایە سادەییش دەکرێت زۆر ئاڵۆز بێت!